DEPARTMENT OF METEOROLOGY AND HYDROLOGY (MYANMAR)

 

 (၃၁.၁၀.၂၀၂၀)  ယနေ့မြန်မာစံတော်ချိန် (၁၈:၃၀)နာရီအချိန် တိုင်းထွာချက်များအရ ဘင်္ဂလား ပင်လယ်အော်အရှေ့အလယ်ပိုင်း(မြန်မာ့ကမ်းလွန်)တွင် ဖြစ်ပေါ်နေသော လေဖိအားနည်းရပ်ဝန်း သည် ဆက်လက်တည်ရှိနေပါသည်။ အဆိုပါ လေဖိအားနည်းရပ်ဝန်းသည် နောက်(၄၈)နာရီအတွင်း ဘင်္ဂလားဒေ့ရှ် ကမ်းခြေသို့ရွေ့လျားနိုင်သည်ဟု ခန့်မှန်းရပါသည်။ ဘင်္ဂလားပင်လယ်အော်အနောက်တောင်ပိုင်းနှင့် အနောက်အလယ်ပိုင်းတို့တွင် တိမ်အသင့်အတင့် ဖြစ်ထွန်းနေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။

သမိုင်းအကျဉ်း

မြန်မာနိုင်ငံမိုးလေဝသဌာနကို ၁၉၃၇ ခုနှစ် ဧပြီလ(၁)ရက်နေ့တွင် စတင်ဖွဲ့စည်း တည်ထောင်ခဲ့ ပါသည်။ မြန်မာနိုင်ငံသည် ၁၉၃၈ ခုနှစ် ဇန်နဝါရီလမှစတင်၍ အပြည်ပြည်ဆိုင်ရာ မိုးလေဝသအဖွဲ့ ၏ အဖွဲ့ဝင်နိုင်ငံ ဖြစ်ခဲ့ပါသည်။ "မြန်မာနိုင်ငံမိုးလေဝသဌာန"ကို ၁၉၇၂ ခုနှစ် အောက်တိုဘာလ (၂၃)ရက် နေ့တွင် ပြင်ဆင်ဖွဲ့စည်းခဲ့ပြီး ၁၉၇၄ ခုနှစ်တွင် "မိုးလေဝသနှင့်ဇလ‌ဗေဒ ညွှန်ကြားမှုဦးစီးဌာန" အဖြစ် ပြောင်းလဲ ခေါ်ဝေါ်ခဲ့ပါသည်။ ထိုစဉ်က မိုးလေဝသနှင့်ဇလ‌ဗေဒညွှန်ကြားမှုဦးစီးဌာန သည် ပို့ဆောင်ဆက်သွယ်ရေး ဝန်ကြီးဌာနလက်အောက်တွင် ရှိခဲ့ပါသည်။

ပို့ဆောင်ဆက်သွယ်ရေးဝန်ကြီးဌာန ပြန်လည်ဖွဲ့စည်းရာတွင် မိုးလေဝသနှင့်ဇလ‌ဗေဒညွှန်ကြားမှု ဦးစီးဌာနသည် ၁၉၉၂ ခုနှစ် ဖေဖော်ဝါရီလ(၃)ရက်နေ့တွင် ဆက်သွယ်ရေး၊ စာတိုက်နှင့် ကြေးနန်း ဝန်ကြီးဌာန အုပ်ချုပ်မှုအောက်သို့ရောက်ရှိခဲ့ပြီး ၁၉၉၉ ခုနှစ် သြဂုတ်လ(၂၀)ရက်နေ့တွင် ဆက်သွယ်ရေး၊ စာတိုက်နှင့်ကြေးနန်း ဝန်ကြီးဌာန အုပ်ချုပ်မှုအောက်မှ ပို့ဆောင်ရေးဝန်ကြီးဌာန အုပ်ချုပ်မှုအောက်သို့ ပြောင်းရွှေ့ရောက်ရှိခဲ့ပါသည်။