DEPARTMENT OF METEOROLOGY AND HYDROLOGY (MYANMAR)
၂၆-၁၂-၂၀၂၄:ယနေ့မြန်မာစံတော်ချိန် (၀၅:၃၀)နာရီအချိန် တိုင်းထွာချက်များအရ ဘင်္ဂလား ပင်လယ်အော်အနောက်တောင်ပိုင်း(အိန္ဒိယနိုင်ငံ၊ အင်ဒရာပရာဒေ့ရှ်တောင်ပိုင်းကမ်းလွန်-တမီးလ်နာဒူးမြောက်ပိုင်း ကမ်းခြေ)တွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း(Well Marked Low Pressure Area) သည် ဆက်လက်တည်ရှိနေပါသည်။ အဆိုပါ အားကောင်းသောလေဖိအားနည်းရပ်ဝန်းသည် အနောက်မြောက် ဘက်သို့ ရွေ့လျားနိုင်ပြီး၊ နောက် (၂၄) နာရီအတွင်း လေဖိအားနည်းရပ်ဝန်း(Low Pressure Area)အဖြစ်သို့ တဖြည်းဖြည်း အားလျော့သွားနိုင်သည်ဟု ခန့်မှန်းရပါသည်။ ဘင်္ဂလားပင်လယ်အော်အနောက်အလယ်ပိုင်းနှင့် အနောက်တောင်ပိုင်းတို့တွင် တိမ်အသင့်အတင့် ဖြစ်ထွန်းနေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော် တို့တွင် တိမ်အနည်းငယ် ဖြစ်ထွန်းနေပါသည်။
မိုးသက်လေပြင်း (Squalls)
မုန်တိုင်းကမ်းမဖြတ်မီရှေ့ပြေးအနေနှင့်လည်းကောင်း၊အတန်းလိုက်ဖြစ်ပေါ်နေသော
သီးခြားမိုးတိမ်တောင်များမှလည်းကောင်း၊တိမ်အောက်ခြေတဖြည်းဖြည်းအောက်သို့
နိမ့်ကျလာရာမှမြေပြင်နှင့် ပေ ၁၀၀၀ မှ ၁၅၀၀ ခန့်အရောက်တွင်လေပြင်းများတိုက်ခတ်
စေပြီး၊မိုးရွာကျခြင်းကို မိုးသက်လေပြင်း ဟုခေါ်ဆိုပါသည်။