ထူးခြားမြစ်ရေအခြေအနေသတင်း
(၂၀၂၁ခုနှစ်၊ မေလ (၂၀) ရက်၊ (၁၄:၀၀)နာရီအချိန်ထုတ်ပြန်ချက်)
ဧရာဝတီမြစ်ရေသည်မြစ်ကြီးနားမြို့တွင် ၂၀၂၁ ခုနှစ်၊ မေလ (၂၀) ရက်နေ့ (၁၃:၃၀) နာရီအချိန် တိုင်းထွာချက်အရ ယင်းမြို့တွင် (၄၆၇) စင်တီမီတာသို့ ရောက်ရှိခဲ့ကာ (၁) ရက်အတွင်း (၈) ပေခွဲခန့် မြင့်တက်ခဲ့ပါသည်။
ဧရာဝတီမြစ်အထက်ပိုင်းတွင် မြင့်တက်ခဲ့သော အဆိုပါမြစ်ရေများသည် နောက် (၁) ရက်မှ (၄) ရက် အတွင်း ဗန်းမော်မြို့၊ ရွှေကူမြို့၊ ကသာမြို့နှင့် သပိတ်ကျင်းမြို့တို့တွင် (၅) ပေမှ (၇) ပေခန့်၊ နောက် (၁) ရက်မှ (၇) ရက်အတွင်း မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့နှင့် ညောင်ဦးမြို့တို့တွင် (၄) ပေမှ (၅) ပေခန့်၊ နောက် (၄) ရက်မှ (၁၂) ရက်အတွင်း ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် (၃) ပေမှ (၄) ပေခန့် လက်ရှိ ရေမှတ်များအထက် မြင့်တက်လာနိုင်ပါသည်။
သို့ဖြစ်ပါ၍ မြစ်ကြောင်းများအတွင်း သွားလာနေကြသည့် ရေယာဉ်၊ လှေ၊ သင်္ဘောများ အနေဖြင့် ဂရုပြုသင့်ပါကြောင်းနှင့် မြစ်ရေနည်းစဉ်သဲသောင်ခုံများတွင် စိုက်ပျိုးနေထိုင်ကြသူများအနေဖြင့် လည်း မြစ်ရေတိုးလာနိုင်မှုကို ဂရုပြုနေထိုင်သင့်ပါကြောင်း အကြံပြုအပ်ပါသည်။