ထူးခြားမြစ်ရေအခြေအနေသတင်း
(၂၀၂၁ခုနှစ်၊ အောက်တိုဘာလ(၂၂) ရက်၊ (၁၀:၀၀)နာရီအချိန်ထုတ်ပြန်ချက်)
ဧရာဝတီမြစ်ရေသည် မြစ်ကြီးနားမြို့တွင် ၂၀၂၁ခုနှစ်၊ အောက်တိုဘာလ (၂၂) ရက်နေ့ (၀၆:၃၀) နာရီအချိန် တိုင်းထွာချက်အရ ယင်းမြို့တွင် (၈၆၁) စင်တီမီတာသို့ ရောက်ရှိခဲ့ကာ (၁)ရက်အတွင်း (၁၃)ပေခန့် မြင့်တက်ခဲ့ပါသည်။
ဧရာဝတီမြစ်အထက်ပိုင်းတွင် မြင့်တက်ခဲ့သော အဆိုပါ မြစ်ရေများသည် နောက်(၁)ရက်မှ (၆)ရက်အတွင်း ဗန်းမော်မြို့၊ ရွှေကူမြို့၊ ကသာမြို့၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့နှင့် မြင်းမူမြို့တို့တွင် (၁၀)ပေမှ (၁၂)ပေခန့်၊ နောက် (၁)ရက်မှ (၈)ရက်အတွင်း ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို့၊ မကွေးမြို့၊ အောင်လံမြို့နှင့် ပြည်မြို့တို့တွင် (၈)ပေမှ (၁၀)ပေခန့်၊ နောက်(၃) ရက်မှ (၁၀)ရက်အတွင်း ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် (၆)ပေမှ (၈)ပေခန့် လက်ရှိရေမှတ်များအထက် မြင့်တက်လာနိုင်ပါသည်။
သို့ဖြစ်ပါ၍ မြစ်ကြောင်းများအတွင်း သွားလာနေကြသည့် ရေယာဉ်၊ လှေ၊ သင်္ဘောများအနေဖြင့် ဂရုပြုသင့်ပါကြောင်းနှင့် သဲသောင်ခုံများတွင် စိုက်ပျိုးနေထိုင်ကြသူများအနေဖြင့်လည်း မြစ်ရေတိုး လာနိုင်မှုကို ဂရုပြုနေထိုင်သင့်ပါကြောင်း အကြံပြုအပ်ပါသည်။