DEPARTMENT OF METEOROLOGY AND HYDROLOGY (MYANMAR)
၂၄-၁၁-၂၀၂၄: ယနေ့မြန်မာစံတော်ချိန် (၀၅:၃၀)နာရီအချိန် တိုင်းထွာချက်များအရ အီကွေတာအနီး အိန္ဒိယသမုဒ္ဒရာအရှေ့ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော် အရှေ့ တောင်ပိုင်းတို့တွင် ဖြစ်ပေါ်နေသော လေဖိအားနည်းရပ်ဝန်း(Low Pressure Area)သည် ဆက်လက်တည်ရှိ နေပါသည်။ အဆိုပါ လေဖိအားနည်းရပ်ဝန်းသည် အနောက်-အနောက်မြောက်ဘက်သို့ ရွေ့လျားနိုင်ပြီး၊ ပိုမို အားကောင်းလာနိုင်ကာ ၂၅-၁၁-၂၀၂၄ ရက်နေ့တွင် ဘင်္ဂလားပင်လယ်အော်တောင်ပိုင်း၌ မုန်တိုင်းငယ်(Depression) အဖြစ်သို့ ရောက်ရှိနိုင်ပါသည်။ ထိုမှတစ်ဆင့် အနောက်မြောက်ဘက်သို့ ရွေ့လျားနိုင်ပြီး၊ နောက် ၂ ရက်အတွင်း အိန္ဒိယနိုင်ငံ၊ တမီးလ်နာဒူးကမ်းခြေ-သီရိလင်္ကာနိုင်ငံကမ်းခြေတို့သို့ ရောက်ရှိနိုင်သည်ဟု ခန့်မှန်းရပါသည်။ ကပ္ပလီ ပင်လယ်ပြင်တောင်ပိုင်း၊ ဘင်္ဂလားပင်လယ်အော်တောင်ပိုင်းနှင့် အနောက်အလယ်ပိုင်းတို့တွင် တိမ်ထူထပ်နေပြီး၊ ကပ္ပလီပင်လယ်ပြင်မြောက်ပိုင်းနှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့် ဖြစ်ထွန်းနေပါသည်။
မိုးခေါင်ခြင်း (Drought)
ပြည်နယ်နှင့်တိုင်း(သို့မဟုတ်)မြို့နယ်တစ်ခုခုအားမိုးခေါင်ခြင်းဖြစ်စဉ်ကိုအောက်ပါအတိုင်းသတ်မှတ်
ပါသည် -
(က) နှစ်ပေါင်း(၃၀)ပျမ်းမျှမိုးရေချိန်ပမာဏထက်(၂၀)ရာခိုင်နှုန်းမိုးလျော့နည်းမှုသည်(၇)ရက်ထက်
ပိုပါကမိုးခေါင်ခြင်းဟုသတ်မှတ်ပါသည်။အဆိုပါမိုးခေါင်ခြင်းသည်သာမန်မိုးခေါင်ခြင်း(Minor
Drought)ဟုသတ်မှတ်ပါသည်။
(ခ) နှစ်ပေါင်း(၃၀)ပျှမ်းမျှမိုးရေချိန်ပမာဏထက်(၅၀)ရာခိုင်နှုန်းနှင့်အထက်လျော့နည်းမှု(၁၅)ရက်ထက်
ပိုပါကအဓိကမိုးခေါင်ခြင်း(Major Drought)ဟုသတ်မှတ်ပါသည်။